Pas trazirave në Francë, kryeministrja Elisabeth Borne, ka vizituar zonën e L’Haÿ-les-Roses, ku protestuesit kanë sulmuar shtëpinë e kryebashkiakut Vincent Jeanbrun, duke plagosur kështu bashkëshorten e tij, teksa përpiqej të largohej së bashku me dy fëmijët.
Kryeministrja Borne tha se sulmi është tronditës, ndërsa bëri thirrje që autoritetet të ndëshkojnë autorët me ashpërsinë më të madhe.
“Ne nuk do të lëmë asnjë dhunë të pandëshkuar,” tha ajo, duke kërkuar që përgjegjësit të sanksionohen me “ashpërsinë më të madhe”.
