Kryeminsitri Edi Rama njoftoi ditën e sotme se prej datës 3 korrik do të mbyllen të gjitha sportelet fizike të Kadastrës në vend dhe të gjitha shërbimet, qytetarët do të mund t’i marrin nëpërmjet e-Albania.
Rama e cilësoi si turp punën e bërë deri më tani nga ky institucion, që sipas tij ka bërë krime të mëdha, duke tjetërsuar prona. Ai shtoi po ashtu, se pret dorëheqje masive nga punonjësit.
“Mua më vjen shumë turp, jashtëzakonshit, nuk e di sa turp ju vjen juve që të mendoj se çfarë kane hequr njerëzit. Më mjaftojnë historitë që kam dëgjuar vetë.
Pa llogaritur krimin e madh të AMPT jo për toka bujqësore, por për male, shkreta, ujin e detit. Kam parë detin të kufizuar si pronë e patundshme. Që të mos them që letrat që janë rrugëve, janë dyfishi i sipërfaqes së Republikes së Shqipërisë. Ju ftoj ta provoni dhe do ndjej me kënaqësi dhimbjen tuaj që s’do arrini të kapni një pronë.
Pres dorëheqje masive nga Kadastra dhe nga ana tjetër drejtorja e ka të qartë, punonjësit e kësaj banke duhet të jenë bankierë dhe jo banakierë.
Mos të bëni asnjë ndërhyrje për askënd, se ky na ka sjellë aq vota, ky as, se ky na ka dhënë fitoren, ky na ka sjellë triumfin sepse nuk funksionon.”- tha Rama.
