2 persona kanë mbetur të lënduar si pasojë e një aksidenti që ka ndodhur ditën e sotme në Berat.
Sipas policisë aksidenti ka ndodhur në aksin rrugor “Berat-Dimal”, ku shtetasi F. Xh., duke drejtuar automjetin, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga ky aksident, janë dëmtuar jashtë rrezikut për jetën, drejtuesi i automjetit dhe pasagjeri në këtë automjet, shtetasi A. P., të cilët janë në kujdesin e mjekëve.
Grupi hetimor vijon punën për përcaktimin e shkakut të këtij aksidenti.
