– Do të vijojë ndikimi i masave ajrore të ngrohta dhe të lagështa me origjinë oqeanike në territorin Shqiptar; duke sjellë mot të kthjellët dhe temperatura relativisht të larta gjatë orëve të paradites por orët e pasdites sjellin grumbulllim të vranësirave duke gjeneruar rrebeshe afat-shkurtra shiu në të gjithë vëndin, më të dukshme në qarqet, Kukës, Shkodër dhe Qarkun e Korcës ku priten edhe mini-stuhi breshëri.
Sipas MeteoAlb, parashikohet që orët e vona të mbrëmjes të sjellin përmirësim të kushteve meteorologjike në të gjithë vendin. Temperaturat e ajrit do të rriten lehtë në orët e mëngjesit POR mesdita nuk do të sjell ndryshim të tyre duke luhatur vlerat ditore nga 11°C deri në 31°C.
Era do fryjë mesatarisht me shpejtësi 38 km/h nga drejtimi verior dhe veriperëndimor duke krijuar në brigjet detare dallgëzim 2 ballë.
