Nje dite pas protestes qe degjeneroi ne perplasje te dhunshme mes banoreve ne Verri qe kundershtojne ngritjen e nje impianti per plehrat dhe policise, arrestohen 4 protestues.
Nga Oficeri i Policisë Gjyqësore pranë Prokurorisë së Rethit Gjyqësor Fier u bë arrestimi në flagrancë i shtetasve:
- Aleksandër Bita, 52 vjeç.
2. Eridjon Janji, 32 vjeç.
3. Bledjon Bita, 43 vjeç.
4. Zylyftar Delibashi, 67 vjeç.
“Arrestim i këtyre shtetasve u bë pasi në datën 22.01.2017, në orën 14:00, në kufirin ndarës midis fshatrave Verri dhe Kallm i Madh, kanë marrë pjesë në një protestë të paligjshme, kanë kundërshtuar punonjësit e policisë së rendit publik dhe kanë penguar qarkullimin e mjeteve të transportit”- njpfton policia.
Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit” të kryera në bashkëpunim, parashikuar nga Nenet 236, 262, 293 e 25 të Kodit Penal.
