Gjatë një lidhje telefonike me “Shqipëria Live”, avokati i Redjan Rrajës foli në lidhje me provat e paraqitura nga Prokuroria kundrejt klientit të tij.
Kujtojmë që SPAK ditën e djeshme kërkoi dënimin e Redjan Rrajës me burgim të përjetshëm me akuzën se ka qenë një nga ekzekutorët e atentatit ndaj ish prokurorit Arjan Ndoja ku mbeti i vrarë shoferi i tij Andi Maloku dhe u plagos Landi Muharremi.
Mendoni se qëndrojnë provat e paraqitura nga Prokuroria nga ndaj Redjan Rrajës?
“Në lidhje me provat e gjetura, për gjurmët e gjakut pra që janë gjetur në makinën e autorëve, kemi kërkuar pavlefshëmri të tyre në lidhje me mënyrën e marrjes. Kodi i procedurës penale, pasi oficerët e Policisë Gjyqsore, kanë lëvizur automjetin nga vendi ku është gjetur dhe e kanë çuar në ambientet e brendshme të Policisë vendore Tiranë, të cilën ne e kemi kundërshtuar këtë marrje fictive, pasi Kodi përfshin vetëm kur ka kushte të kqija atmosferike apo pamundësi të ksaj natyre”, tha avokati i Rrajës.
