Dan Hutra, autori që vrau 3 gra dhe plagosi 3 të tjera më 1 Mars 2023 në Tiranë, ka qenë spiun i policisë.
Kështu shprehet Vladimir Kurti në një intervistë për emisionin Uniko.
Sipas Kurtit, Hutra njihet me pseudonimin “Daja” dhe ka spiunuar 3-4 grupe droge që janë goditur nga policia.
Vladimir Kurti është vëllai i Etleva Kurtit, e cila u vra nga Dan Hutra më 1 Mars.
Si mund ta përshkruash marrëdhënien mes jush dhe si mund të ma përshkruash Dan Hutrën në fillimet e kësaj marrëdhënie të mirë shoqërore që kishit?
Po pasi filloi ai të thoshte këto gjërat unë të ndihmoj unë të nxjerr nga burgu, unë bëj.. unë fillova të dyshoj që ai mund të ishte spiun i Policisë së Shtetit. Pasi kishte dhe informacione që ai njihej me pseudonimin “Daja” jashtë.
“Daja”?
“Daja”, domethënë që ishte nga këto agjentët sekretë që i mbajnë për të infiltruar e për…
E keni të sigurt këtë që ka qenë i infiltruar i policisë?
Po ka futur në burg edhe..janë 3-4 grupe që janë kapur me drogë, i ka fut ky i ka spiunuar.
E ke të sigurt? Janë kapur 4 grupe me drogë nga Dan Hutra?
Po, janë kapur nga Dani, janë spiunuar kur ka qenë jashtë i infiltruar.
Po ti kur e more vesh që ishte i infiltruar i policisë? Gjatë kohës që ishit në burg apo kur i prishën marrëdhëniet mes jush?
Jo jo. Ditët e fundit para se t’i kërkoja unë që të largohej nga dhoma, se unë i kërkova që të ikte nga dhoma. Ato ditë e marr vesh nga çunat jashtë, nga çunat e burgut. E mora vesh që kështu kështu… Pastaj më tha që unë jam në burg për..jam në burg se kam marrë gjakun e babës. Pastaj nga ca kuksianë që kanë qenë doganierë që janë arrestuar, e marr vesh që ai kishte vrarë një femër.
Bashkëjetuesen e vetë.
Po kishte vrarë një femër e kishte prerë në qafë… Aty e mora vesh edhe fillova ta largoj se thashë.. dyshoja që është spiun. Edhe thashë ky ka ardhur 100% për të më bërë keq.
