Fredi Beleri, kandidati i opozitës, fitues i zgjedhjeve lokale në Himarë dhe i arrestuar për blerje votash pritet të dalë sot para Gjykatës së Posaçme kundër Krimit të Organizuar dhe Korrupsionit për masën e sigurisë.
Gjyqtarja e çështjes është Atalanta Zeqiraj dhe seanca pritet të mbahet në orën 13:00.
Një ditë më parë, Beleri u transferua nga paraburgimi i Vlorës drejt paraburgimit të 313-a në Tiranë. Ndërkohë, miku i Blerit, Pandeli Kokoveshi është ende i shtruar në QSUT për shkak të problemeve me zemrën.
Prokuroria e Posaçme ka kërkuar masën e sigurisë ‘arrest me burg’ si për Belerin po ashtu edhe Kokoveshin, ndërkohë që Gjykata e Posaçme do të shprehet sot.
