Në Dibër ka përfunduar numërimi i votave edhe për Këshillin Bashkiak, ku Partia Socialiste e Shqipërisë ka marrë 13 mandate.
Pas saj vjen Partia Socialdemokrate me 6 mandate, koalicioni “Bashkë Fitojmë” me 5 mandate dhe nga një mandat kanë marrë, Partia Agrare Ambjentaliste, Partia Republikane Shqiptare, Partia Lëvizja e Legalitetit, Partia Demokratike, Fryma e Re Demokratike, Partia Aleanca Demokristiane dhe kandidati i pavarur, Astrit Ademi.
Mësohet kutia e fundit ka qenë e dëmtuar dhe nuk është numëruar. Partia Socialiste fitoi bindshëm edhe garën për kryetar bashkie, me kandidatin Rahim Spahiu që mori 67.54% të votave.
