Ish-deputeti i PD, Myslim Murrizi tha në një intervistë për Euronews Albania se ishte kundër koalicionit të Bashkë Fitojmë me Partinë e Lirisë, pasi nuk do të pranohej kurrë nga baza.
Murrizi u thirrje demokratëve të reagojnë, të mos heshtin dhe të nxjerrin në pah atë që mendojnë. Sipas tij, në disa bashki të humbura nga e djathta u kandiduan mercenarë, që votuesit nuk i njihnin fare.
“Kemi disa bashki që i kemi humbur, që tentuan t’u çojmë kandidatë mercenarë. Duhet të kishin qenë koshientë. E quajtën fitore pse fituan primaret.
U kisha thënë që beteja është me Ramën, primaret ishin garë mes vetes. Disa lobime; hajde ta mbështesim filanin se është çun i mirë nuk vlejnë, duhet të jetë i mirë në politikë”, tha Murrizi.
