Personat që mbajnë lente kontakti kanë një rrezik të shtuar të kancerit. Kështu kanë paralajmëruar ekspertët. Shkencëtarët amerikanë zbuluan se të ashtuquajturat “kimikate përgjithmonë” fshihen në të gjitha markat e lenteve të kontaktit.
Studimet e mëparshme sugjerojnë se substancat polifluoroalkil (PFAS), një familje prej 10 mijë kimikatesh, rrisin rrezikun e kancerit të mëlçisë, veshkave dhe testikujve, si dhe sëmundjet e teroides.
Substancat toksike gjenden në ujin e pijshëm dhe në shumë produkte të përditshme si tiganët që nuk ngjiten, ambalazhet e ushqimeve, qilimat dhe mobiliet. Studimi zbuloi nivele të larta të PFAS në 18 marka të njohura të lenteve të kontaktit, duke përfshirë Acuvue, Alcon dhe Coopervision.
PFAS janë gjithashtu të lidhura me rritjen e kolesterolit, problemet riprodhuese dhe zhvillimore dhe dëmtime të tjera shëndetësore. Qeveria nuk monitoron nivelet e kimikateve në produkte, por gjurmon nivelet e gjetura në ujin e pijshëm. Udhëzimet nga Inspektorati i Ujit të Pijshëm, i cili mbulon Anglinë dhe Uellsin, thonë se uji i pijshëm duhet të përmbajë kimikate PFAS në jo më shumë se 100 nanogramë për litër (ng/l).
Analiza laboratorike e lenteve popullore të kontaktit zbuloi se të gjitha tejkalonin nivelin 100ng/l. Gjurmët e fluorit organik, një shënues për PFAS në lente, varionin nga 105000 ng/l deri në 20700000 ng/l – që është deri dhe mbi 200,000 herë më e lartë se kufiri i sigurt për ujin.
Dr Linda S Birnbaum, një toksikologe dhe ish-drejtoreshë e Institutit Kombëtar për Shkencat e Shëndetit Mjedisor, SHBA, tha:
Sytë tuaj janë një nga pjesët më të ndjeshme të trupit tuaj. Prandaj, është shqetësuese të shihet prania e fluorit organik, i cili ka të ngjarë të jetë një lloj PFAS, i gjetur në të gjitha produktet e testuara të lenteve të buta të kontaktit.
Profesor Terrence Collins, një kimist në Universitetin Carnegie Mellon, Zelanda e Re, tha se shumë prodhues përdorin PFAS pasi janë materiale të lira dhe efektive. Megjithatë, ai është i irrituar nga mungesa e testimit të produktit. Terrence tha:
Askush sot nuk mund t’ju thotë se ekspozimet e PFAS janë të sigurta sepse asnjë juridiksion nuk ka kërkuar zhvillimin dhe shqyrtimin e testeve të duhura të sigurisë. Unë këshilloj që lente të tilla kontakti të shmangen me rigorozitet.
Në këtë pikë, megjithatë, të kërkosh nga personi mesatar që të shmangë PFAS është pothuajse e pamundur, veçanërisht kur ekzistojnë kaq pak alternativa. Më parë u zbulua se PFAS gjenden në mbështjellëset e zinxhirëve të njohur të ushqimit të shpejtë. Këto kimikate përdoren për të bërë plastikë të butë dhe u gjetën në 80 për qind të mostrave të mbledhura. /TAR/
