Detaje të reja janë zbuluar nga policia italiane, në lidhje me ekzekutimin e shqiptares Daniela Neza nga ish i dashuri. Sefayou Sow, 27-vjeçari me origjinë nga Guinea i cili ndodhet në burg, ka thënë para hetuesve se mbante një armë, pasi ai kishte dyshime se donin ta vrisnin.
Sipas tij, armën që dhe kreu krimin e rëndë, e mbante për vetëmbrojtje. 27-vjeçari kishte frikë se do të vritej, për shkak të kërcënimeve që kishte marrë javët e fundit.
Ai i mori jetën me dy të shtëna pistolete 29 vjeçares me origjinë shqiptare, Daniela Neza. Arma që ai posedonte ishte një bashkim pjesësh nga armë të tjera.
Sipas Sow, i cili u përlot disa herë gjatë marrjes në pyetje, dikush e kërcënoi së fundmi. Ai foli për kërcënime me vdekje, ndaj e mbajti armën në makinën e tij, shkruan “Primocanale.it”.
Sefayou Sow i ishte refuzuar edhe licenca për armë zjarri. Në lidhje me vrasjen e të dashurës, ai shpreh pendesë ndërsa ka thënë se i vjen keq. “Nuk e kam problem të qëndroj në burg, vetëm më vjen keq që e vrava”, ka thënë ai.
