Drejtuesi i ri i partisë Libra, Endri Tafani në intervistën e parë televizive e konsideroi të arsyetuar vendimin e Komisionit të Etikës në këtë parti për të përjashtuar profesoren dhe ish-deputeten e njohur Mimoza Hafizi.
“Vendimi i Komisionit të Etikës është publikuar në faqen zyrtare të Libras. Nuk kam qenë unë që kam qenë pjesë e këtij komisioni të zgjedhur nga Bërthama e kaluar. Në zgjedhjet e reja janë komisionerë të ri. Nuk kam asnjë forcë mbi vendimet e Komisionit të Etikës dhe nga ana ligjore mu duk i bazuar. Po të lexoni vendimin e Komisionit, kuptoni edhe atë masë ekstreme të largimit. Po të lexoni çfarë shkruhet aty dhe veprimet që janë kryer janë të rënda. Arsyetimet më janë dukur bindëse. Vendimi i Komisionit të Etikës për një jurist është i pranueshëm”, tha ai ne ora news.
I pyetur se nga do të orientohet partia Libra, Tafani tha se është ende herët për këtë.
“Është tepër herët të flasim për zgjedhjet, pasi ato janë tepër larg. Për momentin jemi të përqendruar tek riorganizimi i Libra-s. Ka qenë një situatë që i ka bërë mirë Libra. Ka një pjesë në Libra që nuk e kaloi pjesën e zhgënjimit të rezultatit të zgjedhjeve.
