E ftuar në emisionin “Wake Up” në Top Channel, ka qenë gazetarja Dorjana Bezat, e cila ka treguar me detaje ngjarjen që ka ndodhur në orët e para të mëngjesit të ditës së sotme, ku Stiven Toshkezi 20 vjeç humbi jetën nga dy adoleshentë 18-vjeçarë.
Ai u kap në një cep të rrugës, në lagjen ku jetonte dhe u gjuajt disa herë me thikë. 20-vjeçari nuk arriti t’i mbijetonte plagëve të marra, duke ndërruar jetë në spital.
“Krimi i radhës ndodhi në rrugën e Dibrës, në kryeqytet ku humbi jetën 20-vjeçari i identifikuar si Stiven Toshkezi. Ai u konfliktua me dy bashkëmoshatarët e tij, dy 18-vjeçarë të identifikuar si Enzi Maze dhe Axel Hoxhaj. Ata kishin një konflikt për motive të dobëta për një vajzë. 20-vjeçari ishte i lidhur me një vajzë e cila ngacmohej prej një nga 18-vjeçarëve.
