Presidenti francez, Emmanuel Macron, dhe presidentja e Komisionit Evropian, Ursula von der Leyen, ka zhvilluar një takim me udhëheqësin kinez, Xi Jinping në Pekin.
Macron i ka kërkuar Xi që të përdorë ndikimin e tij për të ndihmuar në ndalimin e ofensivës ruse në Ukrainë.
“Unë e di se mund të mbështetem tek ju për të sjellë Rusinë në vete”, i tha Macron lideri kinez. Nga ana tjetër Xi, tha se të dy vendet kanë ‘aftësinë dhe përgjegjësinë’ për të mbrojtur paqen dhe rendin botëror.
Kujtojmë që Kina është një nga aleatët kryesorë të Rusisë dhe pak ditë më parë zhvilloi një takim me liderin rus, Vladimir Putin në Moskë. Vizita u cilësua si një përkeqësim i marrëdhënieve të Kinës me Perëndimin.
Macron, von der Leyen dhe Xi priten të zhvillojnë një diskutim trepalësh në lidhje me paqen dhe rendin botëror.
