Policia Italiane në bashkëpunim me FBI, Europol e Eurojust kanë ekzekutuar mega operacionin e shtrirë në 16 shtete i koduar “Operation Coockie Monster” që ka çuar sekuestrimin e dokumenteve të tregut më të madh të krimit kibernetik “Genesis Market”. Aktiv prej 5 vitesh ky treg i zi kibernetik ka luajtur rol kyç në dhënien e akseseve për kriminelët kibernetik në mashtrimin, vjedhjen e të dhënave, hakerimet e në sulmet kibernetike.
Ky operacion ndërkombëtar, ku janë 16 vende të përfshira dhe janë ekzekutuar 37 kontrolle policore vetëm në Itali, ka shkatërruar platformën e Genesis Market, një nga tregjet e zeza virtuale më të mëdha në botë, me aktivitet në shitjen e letrave kredenciale të vjedhura.
Është një operacion i paprecedentë policor kibernetik në sektorin e tregjeve të zeza në internet i shtrirë në tërë Italinë, si pjesë e një hetimi të madh ndërkombëtar, i cili u zhvillua njëkohësisht në 16 vende, drejtuar nga FBI dhe policia holandeze, dhe e koordinuar nga Europol dhe Eurojust, ndërsa për territorin italian, nga Prokuroria e Romës.
Platforma Genesis Market, një nga tregjet e paligjshme virtuale më të rrezikshme në botë, e specializuar në shitjen e kredencialeve dhe të dhënave të vjedhura të hyrjes, me një xhiro mbi 2 milionë identitete virtuale të vjedhura, është çaktivizuar, me konfiskimin e serverëve në të gjithë Evropën e ku mbështetej infrastruktura e TI-së saj.
Në Itali hetimet kanë zbardhur se janë të përfshira mijëra letra kredenciale, të identifikuara nga specialistët e Qendrës Kombëtare Kundër Krimit për Mbrojtjen e Infrastrukturave Kritike (CNAIPIC) të Policisë Postare nën drejtimin e Prokurorisë Publike të Romës dhe që kanë të bëjnë me hapësirat e IT nga jeta private e qytetarëve të thjeshtë (email, rrjetet sociale, llogaritë e e-commerce etj.), dhe, akoma më alarmante, fjalëkalimet që mund të garantojnë akses të paligjshëm në hapësirat kompjuterike institucionale të administratës publike, si dhe hapësirat që i përkasin bankave dhe kompanitë e mëdha kombëtare, ofrues të shërbimeve publike thelbësore.
Vetëm në territorin italian, janë ekzekutuar 37 dekrete kontrolli personal, lokal dhe kompjuterik lëshuar nga Prokuroria Publike e Romës, dhe ekzekutuar nga Qendrat Operative të Sigurisë Kibernetike të Policisë Postare të Campania Basilicata dhe Molise, Lazio, Lombardia, Puglia, Emilia Romagna , Kalabria, Veneto, Sicilia Perëndimore, Abruzzo, Friuli Venezia Giulia, Liguria, Toscana, Trentino-Alto Adige dhe Umbria, kundër po aq klientëve të platformës, të cilët kishin blerë mijëra kredenciale aksesi.
Në mesin e të dyshuarve përfshihen si subjekte tashmë të njohur për policinë, ashtu edhe persona me të kaluar të pastër.
Kërkimet çuan në sekuestrimin e pajisjeve të ndryshme elektronike, analiza e të cilave tani do t’i lejojë hetuesit të kuptojnë saktësisht se çfarë përdorimi është bërë nga të dyshuarit e kredencialeve të paligjshme të blera, dhe çfarë lloj informacioni konfidencial – dhe në cilin nivel sekreti – janë komprometuar.
