Qindra banorë të Tokios në Japoni morën pjesë në të parën stërvitje evakuimi ndaj një sulmi ushtarak.
Kjo është stërvitja e parë e këtij lloji që prej Luftës së Dytë Botërore.
Stërvitja u zhvillua të hënën, ndërkohë që tensionet në rajon mbeten të larta.
Pavarësisht se Koreja e Jugut dhe ajo e Veriut duket se po sheshojnë disa mosmarrëveshje, frika e Luftës bërthamore mbetet e lartë.
Ndërkohë që po zhvillohej stërvitja, disa protestues dolën në rrugë duke kërkuar ndalimin e saj.
Sipas tyre, ajo është një mënyrë për të provokuar luftën.
