Një 25-vjeçar me origjinë shqiptare është arrestuar nga policia Greke, pasi dyshohet se është i përfshirë në tentativë përdhunimi dhe dëmtim të rrezikshëm trupor ndaj një 19-vjeçareje vendase, e cila po trajtohet në një. spital në Selanik.
Konkretisht dhe sipas njoftimit të policisë, pasditen e djeshme, vajza 19-vjeçare ka denoncuar pranë punonjësve të policisë së departamentit të sigurisë së Toumba-Triandria se në orët e para të së njëjtës ditë në zonën e Toumba, 25-vjeçari iu afrua dhe me dhunë fizike tentoi ta përdhunonte dhe t’i merrte çantën e shpinës.
Autori u arrestua menjëherë nga efektivët, pasi u konstatua se më parë kishte kryer akte që cenonin dinjitetin seksual të një shtetasi 22-vjeçar, në një pallat në qendër të Selanikut.
Gjithashtu, gjatë arrestimit të tij u konstatua se ai kishte dhënë të dhëna të rreme identifikimi.
I arrestuari do të dërgohet në organin kompetent, njoftuan mediat Greke.
