Sot u hodh shorti për zgjedhjen e relatorëve për të trajtuar ankimimin e dorëzuar nga Sali Berisha dhe Enkelejd Alibeaj për regjistrimin në zgjedhje. Për ankimimin e “Foltores” është caktuar Ilirjan Rusmajli ndërkohë që sa i përket ankimimit të bërë nga PD zyrtare është caktuar Koli Bele.
Afati i vendosur nga KQZ për PD-në që Lulzim Basha të firmoste përfundoi në mesnatë. Demokratët zyrtarë i thanë KQZ se nuk do të dërgonin asnjë dokument shtesë sepse Basha ishte dorëhequr dhe nuk mund të firmoste si kryetar. Ata i kërkuan Celibashit ta regjistronte PD-në për 14 majin me ato dokumente që ishin paraqitur.
Celibashi e quajti të mangët dosjen por nuk nxitoi të merrte vendim pa mbaruar afati duke i dhënë akoma më shumë kohë Bashës t’i dilte për zot PD-së me vulë, për sa kohë ende në regjistrin e gjykatës ai figuron ende kryetar.
Duke ndjerë rrezikun e një vendimi negativ nga Celibashi i cili dha sinjale se nuk do ta regjistronte fare PD-në, demokratët bënë një lëvizje tjetër. Ata e hoqën çështjen nga duart e Celibashit dhe e dërguan pranë komisionit të ankesave e sanksioneve./
