Një shpërthim i fuqishëm në një mobileri ka tronditur Fushë-Krujën mbrëmjen e sotme. Mobileria është në pronësi të shtetasit Bujar Caraci, pronar i zonës.
Ky i fundit e ka dhënë me qira mobilerinë tek dhëndrri i tij, Desar Cangut. Sipas raportimeve, shpërthimi ka qenë aq i fuqishëm saqë është ndjerë në të gjithë zonën.
Fatmirësisht nuk ka pasur persona të lënduar por dëme të konsiderueshme materiale. Lënda plasëse ka shkatërruar thuajse të gjitha objektet brenda mobilerisë.
Tritoli ishte vendosur në pjesën e pasme të objektit, ku mësohet se ka pasur edhe kamera sigurie.
Shpërthimi ka shkaktuar dëme edhe tek objektet përreth.
