Detaje të reja janë bërë të ditura rreth “atentatit të dështuar” pak ditë më parë në Elbasan. Lidhur me këtë ngjarje ka rënë në pranga kunati Alibejt, Arben Spahiu dhe një prej njerëzve të tij të besuar Arsen Preci, të cilët dyshohet se po planifikonin një antentat ndaj një meri të njohur të botës së krimit në qytet.
Mësohet se hetuesit janë duke hetuar të dhënat që kanë siguruar nga një celular i markës Nokia, i cili i është sekuestruar Spahiut dhe telefonin Samsung të Arsen Preçit. Tv Klan raporton se në telefonin e këtij të fundit u gjetën biseda të tij për makinën, si dhe foto të një pallati në Elbasan, që dyshohet se ky i fundit po vëzhgonte. Megjithatë dy të hetuarit kanë mohuar akuzat.
Edhe vetë grupi i hetimit nuk ka qartësuar ende nëse ngjarja e raportuar në Elbasan, është një atentat i parandaluar apo inskenim, megjithatë në të dyja rastet dyshimet janë se ka më shumë se dy persona të përfshirë. Gjithashtu prokuroria ka dërguar për akt ekspertim armët dhe disa gjurmë gishtash të gjetura, përgjigjet e të cilave do të jetën vendimtare për fatin e hetimit.
Megjithatë hetimet e deritanishme tregojnë sipas Prokurorisë dhe Policisë së Elbasanit, se ka qenë Arsen Preçi personi që ka braktisur makinën tip BMW X6 në ndërtesën e quajtur “Ish-fabrika e salcës” në lagjen “Emin Matraxhiu”. Brenda 3 armëve të llojit automatikë të sekuestruara në këtë makinë, u gjetën 85 fishekë dhe çdo gjë ishte bërë gati për zhdukjen e provave.
