Paul Pogba kërkon një rritje rroge të konsiderueshme te Manchester United teksa mesfushori kërkon të fitojë aq sa Alexis Sanchez, pra rreth 500,000 euro në javë.
Agjenti i francezit, Mino Raiola, do të këshillojë mesfushorin se kontrata e tij aktuale 240,000 euro në javë nuk reflekton vlerën e tij në Old Trafford, sipas The Mirror.
Pogba ka tre vite të mbetura në kontratën e tij që nënshkroi në 2016 pasi iu bashkua klubit për 104 mln euro nga Juventus.
Mbërritja e Sanchez thuhet t’i ketë ndryshuar mendjen lojtarëve të ekipit për vlerën e tyre.
Pogba është duke filluar të diktojë ndeshjen për United dhe trajneri Jose Mourinho nuk do të rrezikojë të humbasë shërbimet e tij në vitet kulmore të karrierës.
24-vjeçari ka 36 ndeshja pa humbje me fanellën e Djajve dhe në 14 ndeshje të Premier League, Pogba ka 10 fitore, katër barazime dhe asnjë humbje.
Unitet arriti të mposhtë Burnley-n të shtunën në Turf Moor falë golit të Anthony Martial ku Pogba bëri një tjetër paraqitje dominuese në qendër të fushës. Ai është lojtari që bën United të duket mirë.
