Gjykata e Posaçme vijon shqyrtimin e kërkesës së SPAK në seancë paraprake lidhur me inceneratorin e Elbasanit dhe atë të Fierit.
Gazetarja Klodiana Lala ka bërë me dije për BalkanWeb se gjyqtarja Flojera Davidhi, ka rrëzuar kërkesën e avokatëve për bashkimin e dy dosjeve, atë të Fierit dhe Elbasanit.
Sot GJKKO po shqyrton në seanca paraprake kërkesën e SPAK për Fierin. E njëjta kërkesë është rrëzuar më herët edhe nga gjyqtarja Rudina Palloj, që po gjykon seancën paraprake për aferën e inceneratorit të Elbasanit.
Ish-ministri Lefter Koka dhe ish-deputeti socialist, Alqi Bllako, përmes avokatëve po paraqesin pretendimet e tyre siç bënë edhe ditën e djeshme.
