Një i ri shqiptar në Greqi është plagosur me thikë nga tre persona. Ngjarja ka ndodhur në orët e para të mëngjesit të së shtunës në një lokal nate në Artemisa.
Sipas raportimeve të mediave helene, tre personat janë përleshur me 22-vjeçarin shqiptar, kur papritur njëri prej tyre ka nxjerrë thikën dhe ka plagosur të riun, i cili ka mbetur i plagosur.
Pas ngjarjes, tre autorët hipën në një makinë dhe u larguan.
Më pas i plagosuri i ka ndjekur me mjetin e tij, derisa në kryqëzimin e rrugëve Artemisos dhe Salaminos ka humbur kontrollin e mjetit dhe është përplasur me një farmaci.
22-vjeçari është dërguar me ambulancë në spital, ndërsa Policia po punon për arrestimin e tre autorëve dhe sqarimin e rrethanave të ngjarjes
