Pesë burra dhunues nga 21 deri në 65 vjeç janë arrestuar nga policia e Tiranës. Gra, motra apo ish-të dashura shënjestër e dhunës, përndjekjes dhe kërcënimeve.
Specialistët për Hetimin e Krimeve të Komisariatit të Policisë Nr. 4 arrestuan shtetasin T. Ll., 65 vjeç, banues në Tiranë, pasi ka ushtruar dhunë ndaj bashkëshortes së tij.
Në prangat e efektivëve të Komisariatit numër 2 përfundoi 21-vjeçari A. H., banues në Tiranë, pasi ka përndjekur ish-të dashurën e tij dhe ka ushtruar dhunë ndaj saj;
Shtetasi B. Sh., 25 vjeç, banues në Tiranë, është arrestuar nga forcat e policisë të Komisariatit Nr. 3 pasi ka përndjekur ish të dashurën e tij dhe ka ushtruar dhunë ndaj saj.
Në pranga ka përfunduar dhe shtetasi G. H., 54 vjeç, banues në Kasallë, pasi ka ushtruar dhunë ndaj motrës së tij. 54-vjeçari u arrestua nga specialistët për Hetimin e Krimeve të Komisariatit të Policisë Nr. 5.
Po kështu është ndaluar dhe 35-vjeçari me iniciale S.S., banues në Fier, pasi ka përndjekur dhe kanosur një shtetase.
Materialet i kaluan Prokurorisë, për veprime të mëtejshme procedurale.
