Drejtoria e Përgjithshme Detare ka njoftuar se në bazë të parashikimit për situatën hidrometeorologjike moti do të përkeqësohet nga sot. Era do të jetë me drejtimin Jug-Jug-Lindje dhe Jug-Jug-Perëndim me erë të fortë dhe lartësi dallge nga 1.50 deri 3.00 metra. Ndaj Drejtoria e Përgjithshme Detare kërkon që të gjithë subjektet të marrin masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit.
“Drejtoria e Përgjithshme Detare ju njofton se në bazë të parashikimit për situatën hidrometeorologjike moti do të përkeqësohet për datën 09-10-11 dhjetor 2022 duke filluar nga ora 12:00 date 09 dhjetor era do të jetë me drejtimin Jug-Jug-Lindje dhe Jug JugPerëndim në forcën 5-9 bft, 1.00-1.50m dhe shpejtësi 12-25m/s dhe lartësi dallge nga 1.50 deri 3.00 metra. Subjektet që ushtrojnë veprimtari në fushën e detarisë, duhet të marrin të gjitha masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit. Përmirësimi i situatës meteorologjike të përkeqësuar do të jetë bas datës 11 dhjetor 2022 ora 12:00”, thuhet në njoftim.
