Shqiptarët duhet të ndalohen që të kërkojnë azil në Britaninë e Madhe, pasi ata vijnë nga një vend “demostrueshëm i sigurt”, ka thënë Ministri i Emigracionit. Robert Jenrick tha se individë të tillë duhet të “përjashtohen nga e drejta për të kërkuar azil” pasi ai paralajmëroi se nivelet aktuale të migrimit në MB ishin “të paqëndrueshme”.
Komentet e tij erdhën pasi Ministria e Brendshme nuk pranoi të komentojë një raport në The Sunday Times se ministrat po punojnë për legjislacionin që mund të ndalojë azilkërkuesit që hyjnë në rrugë të paligjshme të vendosen në MB. Sekretarja e Brendshme Suella Braverman u raportua se po i kërkonte Rishi Sunak të mbështeste planet për t’i ndaluar qëndrimin çdo migranti të paligjshëm.
Qeveria është nën presion të madh nga deputetët konservatorë për t’u marrë me çështjen e trafikantëve të njerëzve që përdorin varka të vogla për të transportuar emigrantët përtej Kanalit. Shqiptarët përbëjnë mbi një të tretën e 33,000 emigrantëve që vijnë nga kanali i La Manche në nëntë muajt e parë të këtij viti dhe Z. Jenrick tha se ata tani ishin “përparësia numër një”.
Shqipëria është një vend dukshëm i sigurt. Është shumë e vështirë të shohësh se si një shqiptar duhet të jetë në gjendje të kërkojë me sukses azil këtu në MB,”-tha ai për GB News.
