Deklaratat e Partisë Demokratike se protesta e 6 dhjetorit është vetëm sensibilizuese e zotimeve se tubimi do të jetë paqësor nga fillimi në fund, nuk e kanë shmangur paralajmërimin e ambasadës së Shteteve të Bashkuara drejtuar qytetarëve amerikanë që të bëjnë kujdes në këtë datë.
Tirana ‘BLINDOHET’ prej datës 5 dhjetor/ Ndalohet qarkullimi i mjeteve në këto akse (HARTA)
“Për shkak të masave të marra në mbështetje të samitit BE-Ballkani Perëndimor në Tiranë të martën, pritet mbyllje e rrugëve dhe devijime të trafikut përgjatë gjithë ditës në qendër të kryeqytetit dhe në Unazë. Ambasada është në dijeni se mund të ketë një tubim në qendër të Tiranës. Protestat kanë potencialin të përhapen dhe në rrugët përreth duke shkaktuar bllokime të trafikut, devijime dhe mbyllje shtesë të rrugëve.
Qytetarët amerikanë këshillohen të shmangin grumbullimet e mëdha. Edhe pse shumë evente masive zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionet më të fundit”, thuhet në njoftimin e misionit diplomatit të SHBA-së në vendin tonë.
Tirana mes Samitit dhe protestës/ Çfarë do ndodhë më 6 dhjetor? Rrumbullaku: Jemi të përgatitur për…
Samiti në Tiranë do të jetë i pari midis BE-së dhe Ballkanit Perëndimor që zhvillohet në territorin e një vendi të rajonit që nuk është në bllokun europian. Ai vjen në kohën kur lufta e Rusisë në Ukrainë ka sjellë ndryshime të mëdha në rendin ndërkombëtar.
Krerët e BE-se pritet të zotohen për mbështetje dhe përshpejtim të procesit të zgjerimit të unionit, ndërsa pritet po ashtu, te kërkojnë nga vendet e rajonit që të dëshmojnë përkushtimin e tyre ndaj vlerave të përbashkëta, porosi këto qe do të jenë pjesë e së ashtuquajturës “Deklaratë e Tiranës“.
