Eksperti ligjor, Marcel Hila ka treguar se si rekrutohesin ish-bashkëpunëtorët e Sigurimit të Shtetit dhe se çfarë shkuhej në kartelat e tyre.
Në një intervistë për Euronews Albania, Hila u shpreh se hapeshin kartelat e bashkëpunëtorëve, pasi filozofia e asaj kohe, ishte se socializmi kishte shumë armiq dhe se duheshin zbuluar.
Hila shtoi se bashkëpunëtorët rekrutoheshin vullneratisht, por edhe me dhunë.
“Në Ministrinë e Punëve të Brendshme dikur, tanimë Autoriteti për Informimin e Dosjeve të Sigurimit të Shtetit, janë kartelat, që quhen kartelat e bashkëpunëtorëve, nëse oficeri i sigurimit të ka bindur me forcë apo pa forcë. Filozofia ishte se socializmi shqiptar kishte shumë armiq dhe ne do t’i zbulojmë kush janë.
Sigurimi i Shtetit, në bazë kishte katër parime, katër shtylla. Shtylla e parë ishte identifikimi, shtylla e dytë ishte hetimi, e treta dënimi dhe e katërta nënshtrimi.
Ky ishte parim i Bashkimit Sovjektik, KGB-së. Bëni bashkëpunëtorë për të gjetur se kush janë armiqtë e partisë. Bashkëpunëtorët ishin me dy forma, ose vullnetarisht, ose nëse nuk pranon, përdorej dhunë”, deklaroi ai.
Ndër të tjera, eksperti nënvizoi se kartela plotësohej me të dhënat e personit, emër, mbiemër, profesionin, arsimi, ndërsa emri i babait nuk shkruhej.
Përveç kartelave, ata kishin emrin e tyre edhe në një regjistër, që quhej regjistri operativ i agjenturës.
“Kur merrte aprovimin dhe të hapte një kartelë dhe ku plotësohej me të dhënat e personit, nën pseudonomin u rekrutua në këtë datë nga ky oficer. Kartela dërgohej në degën numër 4, ishte dega e dokumentacionit në Ministrinë e Punëve të Brendshme, domethënë në Arkivat e Sigurimit të Shtetit.
Në degën numër 4, që ka qenë dikur, Përveç këtyre kartelave, Sigurimi i Shtetit merrte masa që të kishte edhe një regjistër, quhej regjistri operativ i agjenturës, këtu emrat janë me rend alfabetik.
Kartela i ka të gjitha, emrin e babait jo. Ku banon, profesioni, ku punon aktualisht, a je i martuar apo beqar, kush të rekrutoi, cili oficer.
Faqja tjetër, se kishte dy faqja kartela, se cilit oficer ti i përket. Nëse ky oficer është transferuar, të merr oficeri tjetër.
Nëse ti ke lëvizur, nga një rreth në tjetër, atëherë kartela mbetej në degën e Punëve të Brendshme, një kopje e kartelës ishte e ruajtur në degën 4 të ministrisë së Brendshme, një kopje e emrit tënd është e ruajtur në regjistrin e evidencës operative të agjenturës.
Atëherë, dosja jote, është dyfishe, dosje personale që do bëje autobiografinë. Kjo ishte dosja personale. U hapte një dosje tjetër, ishte dosja e punës, kë ke gjurmuar dhe çfarë informacioni ke futur këtu. Ishte shkencë sovjetike”, theksoi Hila.
