Një 40-vjeçar shqiptar ka rënë në prangat e policisë italiane, nën akuzë për trafikim qeniesh njerëzore dhe shfrytëzim prostitucioni.
Mediat italianë raportojnë se shqiptari, i njohur me nofkën “tullaci”, u arrestua teksa përpiqej të kalonte kufirin për t’u kthyer në Itali, ndërsa ishte në kërkim që prej 2013. Ai akuzohet se rekrutonte vajza të reja dhe të bukura nga Shqipëria, duke u premtuar punë të qëndrueshme e të mirëpaguara në Itali, por më pas kur ato mbërrinin aty detyroheshin të punonin si prostituta.
Ai ishte shpallur në kërkim pas denoncimeve të bëra nga disa prej vajzave, të cilat kishin arritur të arratiseshin nga kthetrat e tij.