Demokratët kryesojnë 48-47 në garën e Senatit teksa kanë fituar një shtet të diskutueshëm si Pensilvania.
Në të njëjtën kohë ata janë përpara në Georgia dhe Nevada dhe nëse këto rezultate qëndrojne deri në fund, partia e Biden do të ketë shumicën në Senat.
Ndërsa në garën për Kongresin republikanët kryesojnë 207 me 188, duke shkuar gjithmonë e me shumë pranë fitores.
SENATI
Demokratët 48 vende
Republikanët 47 vende
*Shumica arrihet me 51 vende
Kongresi
Demokratët 188 vende
Republikanët 207 vende
*Shumica arrihet me 218 vende
***
Demokratëve u nevojiten të paktën 50 vende për të mbajtur kontrollin e Senatit me nënpresidenten Kamala Harris e cila mund t’u japë atyre votën për të bërë shumicën, ndërsa republikanët kanë nevojë për 51 vende për të fituar kontrollin.
Aktualisht nga 65 vendet në Senat të cilat sot nuk i nënshtrohen votimit, 36 vende janë të demokratëve, ndërsa 29 vende të republikanëve.
Nga 35 vende të cilat votohen sot, republikanët aktualisht janë të favorizuar për të fituar 20 vende, ndërsa demokratët janë të favorizuar për të fituar 12 vende. 3 vende vlerësohen si të papërcaktuara dhe mund të shkojnë nga njëri kandidat te tjetri gjatë numërimit.
Për të kontrolluar Dhomën e Përfaqësuesve të SHBA-së, një parti duhet të mbajë 218 nga 435 vende.
Sipas CNN Republikanët aktualisht janë të favorizuar për të fituar 216 vende, ndërsa demokratët janë të favorizuar për të fituar 199 vende. 20 vende janë ende të papërcaktuara.
