Pas blerjes së platformës Twitter nga Elon Musk, presidenti amerikan Joe Biden akuzon njeriun më të pasur në botë se po shpërndan gënjeshtra në median sociale.
Ditën e sotme Twitter pushoi gati gjysmën e stafit duke thënë se shkurtimet po behën për parandalimin e përhapjes së dezinformimit.
Gjatë një mbledhje fondesh Biden tha se: “Nuk ka më redaktorë në Amerikë. Nuk ka redaktorë. Ne presim që fëmijët të jenë në gjendje të kuptojnë se çfarë është në rrezik?”
Sekretarja e shtypit e Shtëpisë së Bardhë, Karine Jean-Pierre në një intervistë për mediat, u shpreh se Biden kishte qenë i qartë për nevojën për të reduktuar gjuhën e urrejtjes dhe dezinformimit
“Ky besim shtrihet në Twitter, ai shtrihet në Facebook dhe çdo platformë tjetër të mediave sociale ku përdoruesit mund të përhapin dezinformata,” tha Jean-Pierre.
Musk ka premtuar se do të rivendosë lirinë e fjalës, por reklamuesit kryesorë kanë shprehur shqetësimin për marrjen e tij prej muajsh.
