Ukraina po përgatitet të prodhojë një bombë të pistë”, kjo është çështja që Rusia synon të ngrejë në OKB, sipas ministrit të jashtëm rus, Serfei Lavrov.
“Pas bisedave telefonike të djeshme mes ministrit rus të Mbrojtjes Sergei Shoigu dhe kolegëve të tij nga Franca, Britania e Madhe, Turqia, si dhe me kreun e Pentagonit, Austin, ne morëm hapat e nevojshëm për ta ngritur këtë çështje në strukturat ndërkombëtare, kryesisht. në OKB në Nju Jork dhe sot përfaqësuesit tanë do ta bëjnë këtë me shpresën e një diskutimi me interes dhe profesional të problemeve që do të ngremë” , tha ministri rus, duke iu përgjigjur një kërkese për të komentuar raportet për provokime të mundshme nga Kievi me “bomba të pista”.
“Ne kemi informacion specifik për këto institucione në Ukrainë, institucionet shkencore që kanë teknologjinë për të bërë ‘bombën e pistë. Ky nuk është një dyshim i kotë dhe ka arsye të forta për të besuar se gjëra të tilla mund të planifikohen ”, shtoi Lavrov.
Kievi i kërkon IAEA të dërgojë një ekip për të hedhur poshtë pretendimet e Moskës
Në të njëjtën kohë, ministri i Jashtëm ukrainas Dmytro Kuleba i propozoi zyrtarisht IAEA dërgimin e ekspertëve në objektet bërthamore të Ukrainës për të hedhur poshtë gënjeshtrat e Federatës Ruse për “bombën e pistë”.
Kreu i diplomacisë ukrainase e bëri të ditur këtë në Tëitter, duke shkruar: “Në bisedë me drejtorin e përgjithshëm Rafael Grossi, i bëra thirrje zyrtarisht IAEA që të dërgojë menjëherë ekspertë në objektet paqësore në Ukrainë, të cilat Federata Ruse i përshkruan në mënyrë të rreme si vende zhvillimi të “bombave të pista”.
“Ndryshe nga Rusia, Ukraina ka qenë dhe mbetet transparente. Nuk kemi asgjë për të fshehur”, tha Volodymyr Zelensky.
