Një 77-vjeçar është gjetur i pajetë në ujërat e lumit Drini i Zi, në fshatin Surroj të Kukësit.
Lajmin e bëri të ditur policia përmes një njoftimi, ku thuhet se ai mund të jetë mbytur aksidentalisht, pasi nuk janë konstatuar shenja dhune.
Ndërkohë po punohet për zbardhjen e plotë të ngjarjes.
Njoftimi i Policisë:
Kukës – Në ujërat e lumit Drini i Zi, në fshatin Surroj, është gjetur të hënën trupi i pajetë i shtetasit A. S., 77 vjeç.
Mësohet se i moshuari vuante nga skleroza. Gjatë këqyrjes nga eksperti mjeko-ligjor, policia thotë se në trupin e 77-vjeçarit nuk janë konstatuar shenja dhune.
Nga tërësia e veprimeve hetimore dyshohet se ai është mbytur aksidentalisht.
