Gentjan dhe Indrit Beqiraj të dyshuar si vrasës me pagesë dhe Rrumit të Shijakut, teksa arrestimi i tyre çoi në zbardhjen e disa ngjarjeve kriminale të ndodhura në vend si ajo e 4 janarit në Don Bosko ku mbeti i vrarë një person dhe u plagosën 4 të tjerë.
Sipas dëshmisë së dy vëllezërve, krimi i Don Boskos u krye me urdhër të Kasandër Nogës, nga Kevin Zeneli, ndërsa ky i fundit u kishte kërkuar ndihmë për t’u arratisur jashtë vendit.
Ndërkohë Prokuroria e Tiranës kërkon nga ajo e Durrësit vënien në dispozicion të dëshmisë së plotë të dy vëllezërve. Dëshmia e tyre kërkohet nga akuza e Tiranës për ngjarjen e 4 janarit në zonën e “Don Boskos”, ku humbi jetën Erion Çela dhe u plagosën katër persona të tjerë.
Prokuroria konsideron se ka mospërputhje të dëshmive të dy vëllezërve me atë të hetimeve që janë kryer që prej ditës së ngjarjes.
