Ministrja për Europën dhe Punët e Jashtme Olta Xhaçka me anë të një deklarate në Facebook ka folur mbi Raportin e progresit të Komisionit Evropian për Shqipërinë.
Xhaçka tha se “Raporti njeh punën e madhe që është bërë dhe konfirmon progresin e Shqipërisë”, ndërsa shtoi se “në fushën e politikës së jashtme, të sigurisë dhe të mbrojtjes, Shqipëria ka një nivel të mirë përgatitjeje”.
Ajo po ashtu deklaroi se “Shqipëria shfaqet shumë qartë si partner aktiv dhe i besueshëm i BE” dhe se “gjithkush do të mund të mbështetet tek Shqipëria, si anëtare e Procesit të Berlinit dhe e nismës së Ballkanit të Hapur”.
