Presidenti i SHBA-ve Joe Biden i ka dërguar një tjetër mesazh të kujdesshëm, por të qartë dhe drithërues presidentit rus Vladimir Putin për pasojat katastrofike të përdorimit të armëve bërthamore në luftën në Ukrainë.
Në një intervistë për CNN, Biden u pyet nëse mendon se Putini mund të përdorët armët bërthamore, Presidenti i SHBA u përgjigj: “Unë nuk mendoj se do ta bëjë.”
Por Presidenti, i cili e preku për herë të parë këtë temë në një mbledhje fondesh jashtë kamerave në Nju Jork javën e kaluar, e bëri të qartë se ai po i dërgonte një mesazh publik Putinit për rreziqet e të menduarit se përdorimi i një bombe bërthamore taktike me rendiment më të ulët do të ishte një ngjarje e izoluar.
“Për çfarë po flas, po flas për Putinin. Ai, në fakt, nuk mund të vazhdojë pa u ndëshkuar të flasë për përdorimin e një arme bërthamore taktike sikur kjo është një gjë racionale për t’u bërë, “tha Biden, përpara se të paralajmëronte për pasojat e rrezikshme të një lëvizjeje të tillë.
“Gabimet bëhen, llogaritjet e gabuara mund të ndodhin, askush nuk mund të jetë i sigurt se çfarë do të ndodhte,” tha ai.
