Një mëngjes i ekuilibruar i siguron trupit energjinë e nevojshme për të nisur siç duhet ditën dhe ruan nivelin e glukozës në gjak në nivele normale. Studimet e shumta kanë treguar se mëngjesi jo vetëm që ka veti të dobishme por anashkalimi i tij mund të ndikojë në funksionin njohës të trurit.
Ngrënia e vakteve në një orar të barabartë është taktika më e mirë për shëndetin kognitiv dhe më gjerë. Një problem me të cilin përballen shumë njerëz është se ata nuk janë mjaft të uritur për të ngrënë një vakt herët. Të tjerë priren ta anashkalojnë atë krejtësisht sepse nuk duan të hanë ose nuk kanë kohë.
Dietologu Kiran Campbell thekson se anashkalimi i vakteve ka efekte negative në fusha të tjera përveç funksionit kognitiv. “Anashkalimi i vakteve mund të shoqërohet me shtim në peshë, rritje të rrezikut për sëmundje metabolike, sëmundjeve kardiovaskulare, hipertensionit, rezistencës ndaj insulinës.”
Siç shpjegojnë ekspertët, trupi ynë mbështetet në glukozë si lëndë djegëse për të mbajtur trurin tonë të funksionojë në një nivel optimal. Nëse e kaloni plotësisht vaktin e parë të ditës, në thelb po i privoni trupit dhe trurit tuaj karburantin që i nevojitet për të filluar dhe zgjatur deri në vaktin tjetër.
