Policia në Stokton, Kaliforni, publikoi dje të martën video të kamerave së sigurisë që tregon një “person me interes” që duan të marrin në pyetje në lidhje me një seri prej gjashtë vrasjesh, duke vlerësuar se autori mund të jetë një vrasës serial.
Rastet, të cilat kanë tmerruar shumë në qytetin me 300,000 banorë, gati njëqind kilometra në lindje të San Franciskos, u lidhën nga oficerët e mjekësisë ligjore që kryen, shpjegoi shefi i policisë së Stocktonit, Stanley McFadden gjatë një konference për shtyp.
Vrasjet, me përdorimin e armës së zjarrit, u kryen nga data 10 prill deri më 27 shtator. Gjashtë njerëz humbën jetën. E shtata, një grua, mbijetoi.
Nuk e dimë cili është motivi i sulmuesit”,tha McFadden, duke shtuar megjithatë se vrasësi duket se është “në një mision”.
Shefi i policisë tha gjithashtu se ishte e paqartë nëse viktimat, burra dhe gra midis moshës 21 dhe 54 vjeç, kishin lidhje me njëri-tjetrin. Të gjithë u sulmuan në ose përreth Stockton, me përjashtim të të mbijetuarës së vetme, një 46-vjeçare që u sulmua në Oakland.
Pamjet e kamerave të sigurisë të publikuara nga policia e Stockton-it nuk ndihmojnë shumë: ato tregojnë vetëm shpinën e një burri në këmbë, të cilin McFadden e përshkroi si një “person me interes”. Ai kalon një korridor në pjesën e jashtme të një ndërtese, qoftë një pallat apo motel.
