Ukraina ka bërë përparime masive në një kundërofensivë të shpejtë që ka kapur Kremlinin në befasi. Ekspertët e inteligjencës kanë pikasur një ‘pikë kthese të madhe’ në luftën gjashtëmujore.
Kjo ka sjellë rimarrjen e disa qyteteve kyçe në lindje, ndërsa forcat e Vladimir Putin janë larguar nga vija e fronti.
Shpejtësia e përparimit ukrainas ka ndezur një debat të hapur në Moskë se pushtimi i tyre do të përfundojë me disfatë poshtëruese.
Qytetet në të cilat kanë hyrë trupat ukrainase përfshijnë Kupiansk që është një qendër kryesore hekurudhore, humbja e së cilës do të pengonte rëndë linjat ruse të furnizimit. Ka gjithashtu raporte për trupat dhe bashkëpunëtorët e Putinit që po largohen nga Izyum, një qendër tjetër logjistike e rëndësishme për pushtimin.
Përparimi ukrainas ka qenë aq i shpejtë sa trupat ruse kanë lënë pas sasi me municion, pajisje dhe mbi të gjitha armë të rënda plotësisht funksionale, të llojit që Kievi ka kërkuar prej muajsh nga partnerët e tij perëndimorë.
