Administrata Biden planifikon t’i kërkojë zyrtarisht Kongresit të miratojë shitjen e armëve të vlerësuara prej 1.1 miliardë dollarësh për Tajvanin që përfshin 60 raketa kundër anijeve dhe 100 raketa te tjera ajri.
Lajmi vjen pasi Kina vazhdon të dërgojë anije luftarake dhe avione ne ngushticen e Tajvanit vetëm disa javë pasi Kryetarja Nancy Pelosi vizitoi ishullin vetëqeverisës dhe dënoi përpjekjet e Pekinit për të izoluar dhe frikësuar Tajvanin.
Në përgjigje të vizitës së Pelosit, Pekini nisi stërvitje ushtarake masive, të paprecedentë rreth Tajvanit që përfshinin gjuajtjen e raketave mbi ishull për herë të parë.
Paketa, e cila është ende në një fazë të hershme, përfshin 60 raketa AGM-84L Harpoon Block II për 355 milionë dollarë, 100 raketa taktike AIM-9X Block II Sidewinder për 85.6 milionë dollarë dhe 655.4 milionë dollarë për një kontratë radari vëzhgimi.
Sapo administrata Biden të zyrtarizojë njoftimin, kryesuesi demokrat dhe republikani i renditur në Komitetin e Marrëdhënieve me Jashtë të Senatit dhe në Komitetin e Punëve të Jashtme të Dhomës së Përfaqësuesve do të duhet të nënshkruajnë shitjen përpara se të finalizohet. Ligjvënësit ka të ngjarë të miratojnë shitjen, por procesi mund të zvarritet duke pasur parasysh pushimet e vazhdueshme të Kongresit.
