Donald Trump tha se votuesit republikanë e dërguan Liz Cheney-n në “harresë politike” me humbjen e saj dërrmuese në zgjedhjet paraprake përballë kandidates avokate që mbështeti ish Presidenti. Por jo aq shpejt, dhe ka një mënyrë se si një nga kritikët më të mëdhenj të ish-presidentit mund ta lëndojë atë nëse ai rikandidon në zgjedhjet e vitit 2024.
BBC shkruan në një analizë botuar më 18 gusht për parashikimin e një momenti rilindjeje për establishmentin republikan.
Ndoshta është një çudi e kohës, por humbja e Liz Cheney vjen në një moment kur qendra e politikës amerikane duket gati për rilindje. Dhe ajo mund të jetë pjesë e kësaj.
Fjalimi i Cheney-t kishte të gjitha shenjat e një njoftimi për kandidimin presidencial.
Të mërkurën, kur u pyet nëse do të kandidonte për presidente në vitin 2024, Cheney tha për NBC: “Ky është një vendim që do të marr në muajt e ardhshëm… është diçka për të cilën po mendoj”.
Siç duhet ta dijë vetë Cheney, nuk ka shpresë se ajo mund të mposhtë Donald Trump në nominimin republikan në 2024 (nëse ai zgjedh të kandidojë përsëri).
Ajo ka “djegur” shumë ura lidhjeje me miliona mbështetës të Trump.
Por mundja e vetë Trumpit nuk është ajo që ka rëndësi për Cheney.
Ajo e ka bërë të qartë se planifikon të jetë pjesë e një koalicioni dypartiak, qëllimi i të cilit është të sigurojë që ai të mos mbajë më kurrë postin e Presidentit në Shtëpinë e Bardhë.
Një mënyrë do të ishte t’u drejtoheshim republikanëve periferikë, veçanërisht grave, të cilat mund të jenë në pararojën e qëndrimit dhe dëshirës që ish-presidenti të vijë sërish në krye të vendit.
Si një politikane që nuk ka folur kurrë shumë për gjininë, Cheney ka bërë një përpjekje të dukshme kohët e fundit për të folur për gratë.
Ajo ka folur për guximin e tyre që kanë dëshmuar në trazirat e 6 janarit, duke i krahasuar ato me burrat që nuk folën.
Në seancën e saj të fundit ajo zgjodhi të vishte një xhaketë të bardhë, ngjyrën e sufrageteve amerikane.
Gjatë fushatës në Wyoming, ajo ka folur drejtpërdrejt për nënat dhe vajzat.
Ajo duket se po përgatitet pothuajse të ketë ndikim tek votueset gra në fushatat e ardhshme.
Nëse Trump do të ishte kandidati nga republikanët, Cheney mund të ishte “gjembi” në krahun e tij, potencialisht duke hequr vota të mjaftueshme në periferi të Filadelfias, dhe Atlanta dhe Phoenix, që mund të bëjnë një ndryshim në shtetet e fushëbetejës.
Pavarësisht adhurimit që Cheney po merr sot nga demokratët, ajo është një republikane konservatore, kundër abortit, e cila ka votuar me Donald Trump 93% të rasteve kur ai ishte në Shtëpinë e Bardhë.
Është e qartë se Liz Cheney nuk po planifikon të tërhiqet në heshtje. Ajo ka një mision.
Në pamje të parë, duket një mision i pamundur.
Kokë më kokë, ajo nuk mundi dot Donald Trump, i cili është shumë më popullor se ajo.
Por nëse misioni është vetëm ta ndalojë atë, atëherë ndoshta nuk është aq e pamundur në fund të fundit.
