Daniele Bedini, vrasësi i shqiptares Nevila Pjetrit dhe transgjinorit Camilla dy muaj më parë në Itali ka tentuar sërish të arratiset nga burgu por është kapur pas 30 minutash në një stacion treni.
Sipas mediave italiane, marangozi 32-vjeçar nga Carrara i akuzuar për vrasjen e punonjëses së seksit dhe transgjinorit në Liguria, ka tentuar për herë të dytë brenda dy muajsh të arratiset nga burg
Bedini kishte tentuar njëherë të arratisej nga burgu i La Spezia-s dhe për këtë arsye ishte transferuar në Cuneo. Agjentët e bllokuan atë në stacion, në një tren që nisej për në Fossano. I kthyer në qeli, ai tani është nën mbikëqyrje maksimale, nën vëzhgim.
Arratisja e guximshme, sipas asaj që mësohet, ka ndodhur dje në orët e drekës ku Bedini arriti të dilte në rrugë me shkathtësi dhe forcë fizike. Si nëpër filma, ai u ngjit mbi murit e oborrit të vendajrosjes me duar ku më pas arriti në murin dalës duke u ngjitur nga kondicionerët në çatinë e palestrës, ku pasi u var në një shtyllë, u hodh jashtë burgut të Cuneos, ku ka të burgosur nën regjimin 41 bis.
Pjetri u vra natën midis 4 dhe 5 qershor në Marinella di Sarzana dhe 24 orë më vonë u vra Camilla, jo shumë larg skenës së krimit të parë. Të dyja ishin rrahur dhe vrarë me të shtëna arme në kokë. Arma e përdorur është e kalibrit 22, që ishte pistoleta e vjedhur nga babai i Bedinit e cila ende nuk është gjetur.
Nevila Pjetri dyshohet se u vra gjatë një grabitjeje. Sipas hetuesve 30 vjeçari kërkonte para për të blerë drogë, ndërsa Camilla ndoshta sepse ishte dëshmitare e pakëndshme e vrasjes së parë ose gjithmonë për grabitje.
