Një tjetër makinë është gjetur sot e djegur dhe dyshohet se ka lidhje ma masakrën e trefishtë, që tronditi ditën e djeshme Fushë Krujën dhe mbarë vendin, ku u ekzekutua me mbi 90 plumba kallashnikovi të rinjtë Brilant Martinaj, Diklen Vataj dhe Besmir Hoxhaj.
Lajmi bëhet i ditur për “BalkanWeb” nga gazetarja Klodiana Lala, e cila referuar burimeve të besuara hetimore, thekson se makina është gjetur e shkrumbuar në Bubq.
Makina e djegur është gjetur në orën 2 të mëngjesit të sotëm, ndërsa është tip “Volksvagen”. Siç raporton gazetarja Lala për “BalkanWeb”, dyshohet se edhe kjo makinë e dytë është përdorur nga autorët e masakrës.
