Kreu i grupit parlamentar të Partisë Demokratike Enkelejd Alibeaj, nga salla e Kuvendit tha se mbështetja më e madhe që mund t’i bëhet drejtësisë është që të kërkohet vetingu politik.
Ai shtoi që pasi kjo të ndodhë, atëherë të gjithë duhet të heshtin e të mos kundërshtojnë.
Alibeaj tha se deputetët demokratë Bardhi e Sula duhet të thirren nga SPAK në mënyrë që të nisë një procedim për rastet e denoncuara sot prej tyre, naftën dhe pastrimin e parave.
“Kjo është një nga seancat më të rëndësishme se takohen dy galaktika që kanë vetinë për të përthithur njëra tjetrën, politika ose drejtësia.
6 vite më parë u prit me ovacione që drejtësia të përthithet politikën, sot po themi fjalë mallëngjyese për drejtësinë.
Kur qeveria flet mirë dhe është e kënaqur me drejtësinë është një problem. Kjo nuk duhej të ndodhte ndaj u bë reforma. Drejtësia sot nuk flet vetëm belbëzon dhe jemi në udhëkryq, ta kundërshtojmë anatemojmë siç kërkon publiku apo ta mbështesim për hapat e vegjël. Nuk e mbështesim me fjalët ë bukura nga foltorja, por politika kjo sallë majtas e djathtas të japë shembullin e vet.
Kush del sot të pranojë të deklarojë se jam për vetingun politik si akt moral që pranon që drejtësia të veprojë e pasi të veprojë drejtësia të heshtë. Ajo që ka ndodhur në 6 vite që është në sy të të gjithëve, si tha qeveria për ILD, punë e lavdërueshme, ku ata që duhet ti nënshtrohen vetingut vazhdojnë të vjedhin.
Prokurori i përgjithshëm klithi në Komision të Ligjeve se Tirana është kthyer në lavatrice të parave. Blerja e votës, inceneratorët, 339, patronazhistët, investimet strategjike, kjo është të flasësh hapur. Ky është shërbimi ë i madh që duhet të bëjë kjo sallë. Uroj që prokurori i përgjithshëm, KLP, KLGJ, SPAK ikën nga kjo sallë sepse në darkë do të thërrasin Bardhin dhe Sulën për denoncimet me prova e akte o retorikë politike, ky do të duhet të jetë lajmi sot.
Që është nisur procedim për naftën dhe pastrimin e parave.
Sot e ka radhën drejtësia, nuk i mungon asgjë. Kur të flasë ajo në duhet të heshtim”, tha ai.
