Katër persona kanë mbetur të vrarë nga rrëzimi i pemëve ose çative nga një stuhi e cila përfshiu veriun e Europës. Katër persona kanë humbur jetën në Holandë si pasojë e aksidenteve të lidhura me stuhinë dhe një tjetër në Gjermaninë veri- perëndimore.
Sipas raportimit të medieve lokale shpejtësia e erës arriti në 140 kilometra në orë duke e bërë të pamundur qarkullimin e njerëzve dhe mjeteve të transportit, si rrugorë ashtu edhe ajror.
Shumë aeroporte kan mbyllur dyert e tyre, ndërkohë që edhe transporti rrugor ka shfaqur problematika të shumta, ku për shkak të shpejtësisë së mjeteve janë shumë kamion dhe mjete të tonazhit të rëndë janë përmbysur në rrugë.
Në Holandë autoritetet kanë mbyllur qendrën e Almere, një qytet ku banojnë të rreth 200 mijë banorë, bë lindje të Amsterdamit. Gjithashtu autoritetet kanë ngritur alarmin, duke u kërkuar qytetarëve që të qëndrojnë në shtëpi dhe të shmangin lëvizjet e tyre.
Në transportin hekurudhor, nga erërat e forta janë shkëputur lidhjet elektrike duke e bërë të rrezikshme përdorimin e rrjetit hekurudhor. Mësohet se nga forca e stuhisë që ka përfshirë Holandën janë shkaktuar dëme të shumta edhe në shinat e hekurudhës.
Dëme të shumta janë shkaktuar edhe nëpër ndërtesa, ku çatitë e tyre nuk kanë mundur tu rezistojnë erërave të forta duke u rrëzuar dhe vendosur kështu në rrezik jetën e banorëve.
