Andrea Stasa, 58-vjeçari i cili mbyti pak ditë më parë babanë e tij 85-vjeçar në Divjakë është njohur ditën e sotme me masën e sigurisë.
Ai është lënë në burg nga togat e zeza. Ngjarja ndodhi katër ditë më parë në fshatin Remas të Divjakës.
58-vjeçari pasi një sherri me të atin Mitër Stasa e mbyti atë. I moshuari jetonte në banesë me dy djemtë e tij të pamartuar.
Mësohet se viktima dhe djali i tij janë zënë me njëri-tjetrin dhe pas debatit, 58-vjeçari, e ka goditur të moshuarin me grushte dhe më pas e ka mbytur në krevat në një nga dhomat e banesës.
Mësohet se i moshuari ka debatuar me të birin për arsye se ky i fundit konsumonte vazhdimisht alkool dhe ky ka qenë shkaku që 58-vjeçari ta dhunonte deri në vdekje.
Sipas dëshmive të banorëve të fshatit, 58-vjeçari ka qenë i dënuar në Itali dhe para pak kohësh ka dalë nga burgu.
