Policia e spanjolle ka arrestuar një çift shqiptar 59 dhe 53 vjeç, pasi janë kapur me 8 kg kokainë. Ngjarja ka ndodhur në orën 17:20 të ditës së djeshme, në portin e Sagunto, kur pas një debati mes pesë personave të nacionaliteteve të ndryshme dhe një telefonatë në numrin 112, disa patrulla të Policisë Vendore janë paraqitur menjëherë në vendin e ngjarjeve.
Me të mbërritur aty, agjentët panë se njëri prej këtyre personave fshihte një çantë shpine pas një automjeti, ku kishte rreth 8 kilogramë heroinë. Më pas është vënë në pranga personi që kishte çantën me kokainë dhe çifti shqiptar, që ndodhej gjithashtu në vendngjarje.
Po ashtu ka rezultuar se ata kishin edhe dokumente të falsifikuara. Policia është zhvendosur më pas në banesën e çiftit, ku gjetë një sasi të konsiderueshme parash.
