Në studion e emisionit “Me emër të Hapur” të gazetares Evis Ahmeti u trajtua ngjarja tragjike e 39 vjeçares, e cila rrëfeu se i biri 5 vjeçar qëndroi me orë të tëra me kufomën e të atit, i cili ndërroi jetë papritur në shtëpi.
39 vjeçarja: Ishte një ditë normale unë punoja në një fasoneri dhe si zakonisht kthehem në shtëpi, edhe aty gjej një tragjedi të madhe. Burri kishte vdekur dhe djali 5 vjeçar kishte qëndruar me orë të tëra deri sa e kishte zënë gjumi në dhomën tjetër. Nuk di çfarë të them për këtë që më ndodhi, djali më tregoi gjëra të tmerrshme, ai ka qëndruar 5 orë me të dhe ka parë përpjekjet e të atit për të shpëtuar. Djali ka nevojë të merret urgjent në ndihmë psikologjike, ai rri gjithë natën zgjuar ka makthe. Kam shkuar në bashki për ndihmë psikologjike, por asgjë. Ne kishim 8 vite martesë, kishte 5 vite që vuante nga trompoza, nuk ma merrte mendja që ai do vdiste. Nuk fitoi kempin dhe ai u mërzit shumë, pasi ku nuk vajtëm për ta nxjerrë në kemp, komisioni një nga zonjat e komisionit i preu kempin sepse tha që ke paguar lekë për të marrë diagnozën. Ai u mërzit shumë për këtë akuzë dhe burri im ndërroi jetë, e telefonova pas vdekjes dhe ajo më tha eja nga afër, unë dua ta denoncoj. Ai vuante këtë pjesë që unë punoja dhe ai në shtëpi i sëmur, e vuante tmerrësisht. Unë jetoj në banesën e familjarëve të burrit bashkë me fëmijët në kushte të vështira, ajo nuk ka komunikim me bashkëshortin, ne kemi nga një dhomë dhe një kuzhinë. Kjo banesë është e të gjithë fëmijëve, nuk është ndarë nuk është e privatizuar.
