Ish-kryeministri Aleksandër Meksi ka folur ditën e sotme për rritjen e çmimeve. Ai tha se ka qenë kryeministri që ka rritur dy herë çmimin e bukës dhe të nesërmen e ka bërë rrugën në këmbë për në zyrë.
Kështu ai theksoi se kuptoi që shqiptarët arritën ta pranonin se po bënin një ndryshim në epokë.
“Unë jam kryeministri që kam ngritur dy herë çmimin e bukës. Shqiptarët arritën ta kuptojnë se po bënin një ndryshim epoke dhe atëherë nuk u ankua asnjëri.
Një gazetare që takova më pyeti që ça ke bërë për gratë. I hoqa turnin e tretë, i thashë. Nuk e rrëzoi komunizmin Shqipëria, erdhi koha e ndërrimit të sistemit”, deklaroi ai në ABC.
Meksi theksoi se shqiptarëve u pëlqeu epoka e ndryshimit. “U pëlqeu epoka e ndryshimit dhe ishte ndryshim shprese. Në rrogë u dha kompesimi aq sa jepet edhe sot, në çdo vend të botës”, tha Meksi.
